Ku jam unë?

Mar 25, 2017 by

Marselino dos Santos*   Jo! Mos më pyet, Ku jetoj, Ku banoj…   Ec në rrugën time.   Kjo rrugë është vizatuar Me goditje kamxhikësh Në shpinat lakuriqe…   Banoj në skelë, Ushqej furrën Dhe vë në lëvizje maqinat, Rrugë ndërtoj për të tjerët.   Rroj në trupin e tokës-mëmë, Dhe gjakun e ngrohtë, Dhe forcën e muskujve të saj Pikë-pikë e harxhoj…   Po qe se ende Përhapet zëri im, Dhe po qe se ende këndoj, Kjo ndodh, Se jam i pavdekshëm, Po vetëm hëna Dëgjon rënkimet e mia!   Jo! Mos më thërrit Në sallat luksoze, Ku s’jam unë, Ku nuk mund të jem. Unë jam këtu, Në Amerikë, Unë jam këtu, jam këtu! Këtu Abram Linkolni Është vrarë.   Po unë jam, Unë jam, Unë jam!   Mua më linçojnë çdo...

read more

Ascanio Celestini: Buka e vjedhur...

Mar 21, 2017 by

Të kanë mësuar se nuk duhet vjedhur, se të vjedhësh është diçka e keqe. Të kanë mësuar se buka është e mirë vetëm kur është bukë e fituar me ndershmëri. Të kanë mësuar se buka e vjedhur është bukë e keqe, se nuk mund të hahet. Të kanë mësuar se paratë e vjedhura janë para të pista. E kjo në fakt nuk është medoemos e vërtetë! Është metaforë kjo puna e parave të pista. Nuk ekzistojnë para të pista apo të pastra: paratë janë para dhe kaq. Kur i merr në dorë nuk të bëhen duart pis prej parave të pista, as të bëhet xhepi pis kur fut në xhep para të pista. Është një metaforë, muhabet intelektualësh, filozofësh… Tallje, me pak fjalë. Kur ishe fëmijë shkoje në pishinë dhe kujdestari i pishinës të...

read more

Asgjë e pazakontë në jetën e një punëtori...

Mar 17, 2017 by

Xhuliano Bregasi “Punoj natë e ditë për të ushqyer njerëz dembelë e parazitarë dhe ata ma shpërblejnë me uri dhe shpatë. Unë i mbaj në jetë me punën dhe djersën e trupit tim, kurse ata ma mundojnë trupin derisa më katandisin në lypsar. Ata jetojnë prej meje, kurse unë vdes prej tyre.”[1] *** Punëtori sot jo vetëm që është në mes të katër rrugëve, por edhe para 400 halleve! Dje sollën me urgjencë në Spitalin Ushtarak një kushëririn tim që ishte aksidentuar në punë. Kishte rënë nga skela ndërkohë që ishte duke punuar në ndërtim dhe kishte pësuar dëmtime goxha serioze. Kishte filluar punë që në janar në atë vend, ama pronari nuk u paguante sigurime shoqërore me justifikimin se mund të linin punën dhe i shkonin sigurimet kot. Pronari as rrogën nuk ua...

read more

Giorgio Agamben: Për një teori të fuqisë shkushtetuese...

Mar 17, 2017 by

Konferencë publike (Athinë, 16 dhjetor 2013 ) Të reflektuarit mbi fatin e demokracisë sot, këtu në Athinë, është në njëfarë mënyrë rrëqethëse, pasi na detyron të mendojmë rreth fundit të demokracisë pikërisht në vendin ku ajo ka lindur. Hipoteza që do doja të parashtroja  këtu është që paradigma qeverisëse mbizotëruese sot në Evropë jo vetëm që nuk është demokratike, por nuk mund të konsiderohet as politike. Do përpiqem të tregoj që shoqëria evropiane nuk është më një shoqëri politike, por është diçka krejtësisht e re, diçka për të cilën na mungon terminologjia e duhur, çka nënkupton nevojën për krijimin e një strategjie të re. Më lejoni t’ia nis me një koncept i cili nga viti 2001 e këtej duket sikur ka zëvendësuar çdo nocion tjetër politik: siguria. Siç e dini, formula “për arsye sigurie”...

read more

Silvia Federici: Feminizmi dhe riprodhimi shoqëror...

Mar 8, 2017 by

Intervistë e kryer në tetor 2016 nga George Souvlis dhe Ankica Čakardić 1 – Dëshironi ta fillojmë prezantimin me përvojat formuese akademike e politike që kanë ndikuar më shumë te ju? E para përvojë e tillë në jetën time ka qenë Lufta e Dytë Botërore. U rrita në periudhën fill pas luftës, në të cilën kujtimi i një lufte që kish’ zgjatur prej vitesh, së bashku me vitet e fashizmit në Itali, ishte ende shumë i freskët. Që në moshë të re isha e ndërgjegjshme se kisha lindur në një botë thellësisht të ndarë e vrastare; se shteti ishte armiku dhe jo mbrojtësi ynë; jeta ishte tejet e pasigurt dhe, sikurse do të tregonte edhe kënga e Joan Baez-it më pas, “atje, por për fat, mund të shkosh ti a unë”. Vështirë të mos...

read more

Ca sqarime dhe një thirrje

Feb 27, 2017 by

Jani Marka Jo vetëm ditët e fundit, por edhe vitet e fundit – sa më shumë shtohet veprimtaria e ndikimi i Organizatës Politike në shoqëri – po shtohen sulmet e ngatërresat ndaj saj. Në njërën anë, ne nuk kemi dëshirën më të vogël të sqarojmë ata që na akuzojnë, qyshse banaliteti i tyre nuk meriton përgjigje. Në anën tjetër kemi detyrim të flasim për të vërtetën, të sqarojmë simpatizantët e largët të Organizatës, qytetarët e keqinformuar e të painformuar apo tek-tuk edhe ndonjë media të lirë dhe që i intereson e vërteta. Cilat janë akuzat e ngatërresat që ngrihen ndaj nesh? Ato janë disa: komunistë, sorosianë, të lidhur me PS-në, ndonjëherë edhe me PD-në, Erion Veliajn, prishës të kauzave etj. Le t’i marrim me radhë. Akuza se jemi komunistë, dhe me këtë të fundit...

read more

Viktorianët e Shekullit XXI

Feb 24, 2017 by

Jason Tebbe Vetë fjala viktorian orvatet të kujtojë idetë e dala mode: gratë e kufizuara në korse, rol strikt i gjinive dhe një puritanizëm rreth çështjeve seksuale. Në një botë ku sundon konsumerizi dhe vetëshprehja e pafre, këto nocione të shekullit XIX të vetëpërmbajtjes dhe vetëmohimit duken pashmangshmërisht të vjetëruara. Por etosi Viktorian nuk ka vdekur assesi. Ai jeton, e manifeston veten në zakonet e klasës së mesme të lartë bashkëkohore. Ndërkohë që shumë zakone kanë shkuar së bashku me jelekët, besimi se borgjezia ka përparësi morale mbi klasat e tjera ende qëndron. Sot, palestrat e fitnesit, ushqimi artizanal, procesi i aplikimit në kolegj kanë zëvendësuar shëtitjet e të dielave, leksionet e mbrëmjes dhe sallonet e javës. Por të mos gabohemi, këto zakone i shërbejnë një qëllimi të njëjtë: transformimit të privilegjeve klasore në...

read more

Përpjekje për maturantët apo për partinë?...

Feb 22, 2017 by

Jani Marka Lëvizja Rinore për Integrim i ka paraqitur Ministrisë së Arsimit dhe Sportit një paketë propozimesh për maturën shtetërore. Ndërkohë në Lëvizjen Për Universitetin prej muajsh jemi duke hulumtuar rreth kësaj çështjeje (përfshirë këtu edhe anketimin e rreth 300 ish-maturantëve) për të propozuar një skemë alternative të hyrjes në universitete, të cilën do ta bëjmë publike së shpejti. Paketa në fjalë ka gjithsej 16 pika, një pjesë e së cilave kanë karakterin e politikave arsimore, që e tejkalon kompetencën e MAS, dhe që kërkojnë një vullnet më të gjerë politik. Katër pikat e para kanë të bëjnë me informimin e maturantëve për mundësitë e zgjedhjes, kriteret e procedurat. E para fillon me të famshmen “Këshillim të Karrierës”. Në sundimin ideologjik totalitar të logjikës së tregut, studimi universitar duhet të jetë medoemos vetëm në...

read more

Lindja e Mesme dhe historia marksiste...

Feb 22, 2017 by

George Souvlis[1]: Si fillim, cilat përvoja ju kanë ndikuar më shumë politikisht dhe akademikisht? John Chalcraft[2]: Jam rritur në një mjedis provincial si fëmija i një famullitari dhe punonjëseje sociale. Kujtoj të kemi mbrojtur, asokohe, së bashku me një mikun tim, lëvizjen e grevës së minatorëve në 1980-n, dhe jam befasuar vërtet nga zemërimi që ngjalli qëndrimi ynë në rrethin tonë konservator të asaj kohe. Kam udhëtuar i vetëm në Afrikën Veriore në fund të adoleshencës, udhëtim që pati ndikim të madh në perceptimin tim mbi pjesë të Botës së Tretë, të cilën, ende në atë kohë, e lexoja prej termash të paeksploruar orientalist. Zbulimet e shkrimeve të Noam Chomsky-t dhe John Pilger-it në fillimet e të 20-ave qenë një përvojë shumë ngacmuese politike dhe intelektuale. Argumentet e tyre binin ndesh me botëkuptimin mbizotërues...

read more

Përsëritja komike e tragjedisë...

Feb 18, 2017 by

Klodi Leka Njerëzit më në fund dolën në rrugë. Është e kotë të thuash se janë demokratë, berishistë, të blerë, të shitur e epitete të tjera. Aq më tepër të sillesh me ta si zonjë shtëpie, si kryebashkiaku i Tiranës, që ndihej i bezdisur nga njerëzit e pistë të rrethinave. Apo si qytetarë të kulluar, që nuk do të thotë bash asgjë. Ata janë bashkëjetuesit tanë. Ata janë popull. Në të mirën dhe të keqen e tyre. Ama është interesante të shikosh se kush ndodhet në shesh. Njerëzit e pistë të katundeve, djelmëria e qethur njësh e cepave të qytetit, gratë punëtore të rrethinave, të papunët e periferive, tregtarë të vegjël, ca mikroborgjezë, ca ojëqëistë të djathtë dhe një kope politikanësh të pasuruar përmes pushtetit. Kjo është sociologjia e protestës. Megjithatë, fjalimet politike nuk...

read more