Komunikate e Organizates Politike...

Sep 24, 2016 by

Sot në orët e para të mëngjesit, gjatë aksionit të Organizatës Politike për të shkruar në kazanët e plehrave emrat e 63 deputetëve që miratuan ligjin për importimin e plehrave dhe të gjithë politikanëve të tjerë që kanë qenë të përfshirë në këtë aferë korruptive e kriminale, u arrestuan dy aktivistët Klodi Leka dhe Bislim Lakna. Disa makina, furgonë dhe motorë policie janë mobilizuar për të arrestuar aktivistët me sprej në dorë, si të ishin terroristë. Nga momenti i marrjes në pyetje, sjellja e policisë ka qenë shumë arrogante, duke ushtruar presion dhe dhunë verbale për të firmosur procesverbalin e ngjarjes me akuza të stisura si ajo për “fyerje të autoriteteve publike” (Edi Rama – a.k.a. “303”, Sali Berisha, Ilir Meta, Eduart Shalsi, Erion Veliaj etj), e cila u refuzua kategorikisht nga aktivistët. Këta...

read more

Për plehrat e të tjera si këto...

Sep 22, 2016 by

Arlind Qori Le ta marrim të mirëqenë se përmbajtja e ligjit të ri për importin e plehrave nuk parashikon ardhjen e substancave depozitimi apo përpunimi i të cilave do të përbëjnë rrezik për shëndetin e popullsisë. Dy argumentet kryesore të mbrojtësve të importimit të plehrave kanë të bëjnë me filozofinë e ligjit dhe domosdoshmërinë ekonomike. I pari mbështetet në parimin se ligji presupozohet se do të zbatohet, kësisoj nuk mund të ngrihen kritika që bazohen në potencialin e pazbatueshmërisë së tij. Mirëpo ky lloj argumenti përbën një qark të mbyllur logjik të bazuar në abstraksionin se një ligj që nuk zbatohet nuk mund të quhet fare ligj. Gjithsesi çdokush që zbret nga kotësia e abstraksionit në kompleksitetin e konkretes e kupton se jo çdo ligj është i zbatueshëm dhe se zbatueshmëria e tij bazohet...

read more

Qyqarllëk

Sep 18, 2016 by

Arlind Qori Në një artikull të botuar dje në gazetën Mapo, shkruesi Ervis Iljazaj, i prezantuar si pedagog i shkencave politike në UET, është orvatur të polemizojë me kritikën e ngritur nga aktivistët e Lëvizjes Për Universitetin ndaj politikave të qeverisë Rama në arsimin e lartë, sidomos ndaj proçkës së fundit të saj me maturantët që duan të vazhdojnë studimet universitare. Po të mos kujdesej ndonjë redaktor i Mapos që ta kontekstualizonte disi diskutimin, objektin e polemikës së z. Iljazaj zor se do ta merrte vesh njeri përveç atyre me të cilët pi kafe apo maniakëve që gjuajnë mjekra marksistësh, pasi artikullit në fjalë i mungojnë referentët individualë. Në vend të tyre dhe në shkelje të etikës edhe të një shkrimi të rëndomtë gazete, z. Iljazaj përdor shënjues të lodhur sa më s’ka në...

read more

Antonio Negri: Alfabete mizore

Sep 11, 2016 by

Burgu i Rebibias, 26 mars 1982 I dashur David! Nëse do të më duhej ta peshoja jetën time – mu si ata zotërinjtë indianë që mateshin me shufra hekuri – do të arrija në përfundimin, si Groucho Marx-i, se ai kam dalë mbanë të ngjitem nga asgjëja në një gjendje varfërie ekstreme. E habitshmja qëndron në faktin se jam i paaftë të merrem seriozisht me peshat dhe masat. Prokurori i Përgjithshëm më tha gjatë marrjes në pyetje pas 7 prillit: “A nuk e kupton se po të vjen vërdallë burgimi i përjetshëm?!” – Jo, nuk e kuptoj. Pastaj shtoi: “Duket që nuk i ke këmbët në tokë.” Ah jo, sigurisht që “i kam në tokë këmbët”. Më ka shkuar gjithë jeta duke ndjekur shenjat hapësinore të atij Marksit tjetër, komunistit, materialistit. Puna është se...

read more

Revoltë në kohërat e absurdit...

Sep 9, 2016 by

Klodi Leka Këto ditë të vranëta vjeshte, me ç’duket, do të jenë më të ngrohta nga ç’i kemi menduar. Në njërën anë tentativat e dëshpëruara të maturantëve për të siguruar të drejtën e shkollimit dhe në anën tjetër përleshja elektorale midis pozitës dhe opozitës për të vënë në kontroll Bashkinë e Dibrës. Andej lot e përpëlitje të sinqerta të një brezi rinor që lufton të mos digjet, këtej teatër tragjikomik me fjalosje e duartrokitje të gënjeshtërta të një brezi që, sipas metaforës moderne migjeniane, mund të quhet kollaj “..pleqsh të lënë në shenjtërinë e tyre”. Mbrëmë isha i ftuar në një studio televizive të flisja si përfaqësues i lëvizjes studentore mbi situatën e maturantëve dhe ligjin famëkeq të arsimit të lartë kur, ende pa nisur mirë diskutimi, emisioni ndërpritet përkohësisht sepse diçka e rëndësisë...

read more

Jemi të gjithë punëtorë

Aug 30, 2016 by

Redi Muçi Vrasja e Arditit është një ngjarje po aq e veçantë për shoqërinë tonë sa ç’është edhe tmerrësisht e zakonshme. Është e veçantë për disa arsye. Në radhë të parë sepse ironia makabre e ngjarjes është tepër therëse, tepër e rëndë për të kaluar në heshtje. Një 17-vjeçar, e ardhmja e të cilit varet nga puna në një mal mbeturinash. Ashtu si punëtori i fabrikës kthehet në zgjatim të makinerisë së punës, një fëmijë që punon turni i tretë në Sharrë i humbet atributet njerëzore dhe bëhet pjesë integrale e mbeturinave. Ai trajtohet si mbeturinë nga punëdhënësi; Arditi nuk ka asnjë të drejtë si punëtor, madje nuk figuron askund. Po s’të pëlqen, ik! Apo jo?! E si përfundim edhe në vdekje mbështillet me plastmase të zeza mbeturinash dhe tentohet të zhduket, të bëhet...

read more

Si mund të na ndihmojë një vdekje?...

Aug 29, 2016 by

Arlind Qori Krishterimi shtroi pyetjen se kush duhet të vdesë, që askush të mos vdesë përfundimisht. I dha përgjigje duke transformuar konceptin e Mesisë prej udhëheqësit politik çlirimtar të kësaj bote në sakrifikimin e vetë zotit për çlirimin e njerëzimit nga vdekshmëria e mbrame. Politika bazohet në një aksiomë barazie që nuk pyet për dallime cilësore nistore. Kështu në vend të “kujt”, ajo kërkon të dijë “sa”. Pra sa duhet të vdesin që askush tjetër të mos vdesë në punë e prej punës? Ose të paktën, sa duhet të vdesin në mënyrë që vdekja e kujtdo tjetër pas tyre të mos konsiderohet si lajm i përtypshëm midis ngrefosjes së politikanëve dhe thashethemeve të artisteve të shalëve? Vini re! Pyetjet nuk janë retorike. Askush nuk e di se sa punëtorë vdesin në një vit prej...

read more

Një natë në Had

Aug 26, 2016 by

Klodi Leka   Tërë natën peshkova shpirtra të palavdishëm punëtoresh të rënë si kokrra gravitacionale e mollës ndërsa ndërtonin kullat e zotërinjve dhe apartamentet si hoje depresive grerëzash te fqinjëve që nuk do t’i njohë dhe as do ta kujtojnë kurrë edhe pse sallonin, kuzhinën dhe ballkonin me pamje panoramike ua ndërtoi ky burrë që ngriti molloke drejt qiellit i mësuar me frikën e lartësisë tullë më tullë me siguri të vetme dashurinë e gruas dhe një këmishë.   Tërë natën peshkova minatorë që s’munden ta mbanin aq gjatë sa ç’hamendnin pronarët dhe shkencëtarët e shfrytëzimit malin mbi krye teksa gërmonin akoma më thellë pa dritë elektrike, mjete dhe shpresë braktisur prej çdo zoti fati dhe miti tymosës të pandreqshëm kallëpesh dinamiti me një shpërfillje trembëse ndaj vdekjes në fytyrë, aty, poshtë ku s’ka...

read more

Paradokset shpërfytyruese të Veliajt...

Aug 22, 2016 by

Klodi Leka Në syrin e fotografit dhe piarit bashkiak mbjellja e një peme, rregullimi i një rrugice, ndërrimi i një llambe apo vizatimi i disa kryqëzimeve kryeqytetase tregtohen si arritje të mëdha qytetërimore, ndërkohë që janë punët më të rëndomta për një kryebashkiak, qoftë edhe të kryetarit më dështak të bashkisë më të humbur të republikës. Mirëpo, pavarësisht se punët e vockla janë hiperbolizuar në këtë farë feje, prapë kryeqyteti kundërmon nga kazanë të qelbur mbeturinash, përmbytet sa herë ka reshje, s’ka kosha në cepin e rrugëve për kilometra të tërë, çezmat dhe banjat publike prej kauçuku nuk shërbejnë më, me qindra rrugë nuk kanë elektrifikim, trotuaret janë rizaptuar nga kioskat, sistemi i transportit publik po ajo mizerje etj. Megjithatë, bashkiakët e rinj vazhdojnë t’i mëshojnë fort fotoshopit dhe realitetit virtual rozë, duke treguar...

read more

Ka ende shpresë Omran

Aug 19, 2016 by

Xhuliano Bregasi Omran për pakëz të vranë për diçka që ti nuk mund ta kuptosh nuk do e kuptosh kurrë sepse nuk është e arsyeshme që te vriten me dhjetëra-mijëra njerëz veç për pushtet, hegjemoni, naftë, besim fetar, kot…; nuk e kanë kuptuar as mijëra bashkëmoshatarët e tu që kanë mbetur pa jetë në thellësitë e frikshme të detit në rërën ku i kanë nxjerrë përdhuni dallgët nën rrënoja prej tonelatash beton prej predhave që duan të tregojnë superfuqi …ndaj më të pafuqishmëve. Omran nuk të shpëtoi: as fati (si mund të ketë fat në një vend dhe kohë si kjo që po jeton ti?!); as mëshira e superfuqive që shpallën dy ditë armëpushim (sepse Rusia dhe SHBA-ja janë përgjegjëset kryesore të gjithë kësaj kasaphane); as tragjizmi që përcjell fotoja jote drithëruese (rasti i...

read more